Leite Noso é a sociedade de gandeiros galegos constituída coa vontade de garantir a produción de leite de calidade e a súa comercialización de forma directa. Unha iniciativa na que o poder de decisión queda onde comeza todo: no campo, e que se fai visible por medio das súas marcas principais: Deleite e Muuu.

Deleite saíu ao mercado co compromiso de que o leite chegue ás nosas casas sen intermediarios, con prezos xustos e contratos estables en orixe para asegurar o futuro da produción láctea, o mantemento das explotacións en condicións óptimas, preservando o emprego no rural, producindo o leite de maior calidade; e converteuse en pouco tempo nunha das marcas máis vendidas de Galicia, e en toda unha referencia pola súa aposta por un produto de calidade, 100% galego, e o seu compromiso co futuro do sector primario, co rural, coa cultura galega e con Galicia.

Deleite comercializouse dende agosto de 2021 como leite convencional. Mentres tanto e durante catro anos as súas explotacións foron mellorando o proceso de produción e a cabana gandeira, seleccionando de forma natural o gando, coa intención para comercializar o leite das vacas de vacas A2. Leite libre da proteína A1.

Deleite é agora o primeiro e único leite A2 UHT, en Galicia e en España. Deleite é agora o mellor leite posible.